Tsokolate

     Kahapon ay nag-search ako sa Google about sa mga pagkaing dapat kainin ng mga taong anemic (anemic kasi ako). I found out na isa sa mga pagkaing may mataas na iron ay ang dark chocolate. My reaction was "Ang sosyal naman!" The first thing that came into my mind kasi was yung mga chocolates na galing sa ibang bansa. Nakalimutan ko na yung tablea ay considered din palang dark chocolate. lol

Doon ko napag-isip isip na dapat ay lantakan ko na yung natitirang mga tablea sa house bago pa ito makain ng iba.

Binili pa 'yan ni mother last year. 15 piraso sa halagang100 pesos. Si mama lang naman ang mahilig kumain niyan while kaming mga junakis niya ay dinadaan-daanan lang. Ngayon lang ako natauhan na dapat ay lantakan ko na ito before it's too late. Bakit naman kasi ngayon ko lang naisipang papakin ang mga tsokolateng iyan kung kelan dalawa na lang sila. Sa totoo lang kasi, di ko naman talaga peyborit iyang tablea, yung liquid form o mainit na tsokolate talaga ang feyvorit ko.

Nostalgic para sa'kin ang lasa nito. Naalala ko kasi noong ako'y maliit pa lamang, laging nagtitimpla ang aking late grandmother ng mainit na tsokolate para sa aming magkakapatid kapag nagbabakasyon kami sa kanyang bahay. Yung solid form na tablea ay lulutuin at tutunawin muna sa kalderong may mainit na tubig. After nun ay reydi nang inumin ang pure hot chocolate drink! Perfect inumin sa malamig na umaga. Bongga rin i-tandem sa pandesal. I really miss those days.

Naiinggit ako kay mudra dahil noong bata pa lang daw siya ay always silang umiinom nito. Meron kasi silang sariling tanim na cacao (sa rural sila nakatira before). Sa tuwing namumunga ito ay kanila itong hina-harvest at tulong tulong sila sa pagdikdik ng cacao seeds o di naman kaya ay pinapagiling sa palengke. After that ay sila na mismong magkakapatid ang nagbibilog ng mga ito para gawing tablea for their home consumption only. Kainggit much!

Tabrilya or “chocolate balls” of Albay. Ganitez talaga ang itsura ng tablea sa amin. Bilog bilog na parang jackstones.
*credits sa owner ng pic

     Paalala ni mudra, kapag kakain ng tablea ay kailangan ng ibayong pag-iingat. Narito ang mga activities na dapat na iwasan after kumain nito:

•mag-electric fan
•tumakbo
•mag-bike
•magduyan
•sumakay ng motor, jeep, roller coaster, etc.

Sabi ni mudra, kapag ginawa mo raw ang mga iyan after kumain ng tablea ay maaaring makaranas ka ng pagkahilo at ang worst thing na maaaring mangyari ay —pagkahimatay. Si mudrakels herself ay nakaranas na ng pagkahilo at panghihina after kumain ng maraming tablea at tumakbo-takbo pagkatapos when she was young. I can't seem to find the reason behind it pero sabi ulit ni mudra it has something to do with hangin. Much better na iwasan ang mga ganoong activities kung saan masasalubong ng body mo ang hangin na siyang nakakapag-trigger ng nausea. I assume hindi ka naniniwala sa sinasabi ko pero there's no harm in avoiding those things. It's for your own safety anyway. Maidagdag ko lang, people with high blood pressure should consume this in moderation. Bawal ang sobra.

O siya goodbye muna for today. But before I leave, since Valentine month na ngayon ay nais kong mag-iwan sa inyo ng balentayn hugot na nagmula pa mismo sa kaibuturan ng puso ng inyong lingkod.


“Ang pag-ibig ay parang tablea, matamis ngunit meron ding pait.”