Yehey!

image from community.dipolog.com

Magandang araw mga ka-chika! Sobra ang saya ko nung nalaman ko na pumasa ako sa kursong in-apply-an ko sa kolehiyo. Abot-langit ang aking galak. Pero bago ko nalaman ang resulta ay sobrang kabog muna ng dibdib ang aking naranasan. Mas matindi pa sa kaba na nararamdaman ko sa tuwing nanonood ako ng Miss U pageant.

Pero ngayon, ang nerbyos ay nasapawan na ng tuwa at ligaya. Pero di pa rin siyempre maaalis sa akin ang kaba dahil alam naman natin na bagong mundo na ang aking papasukan sa Hunyo. Idagdag pa diyan ang medyo challenging na course na aking napili which is BS Information Technology.

Ngunit pinakakinakabahan ako ng todo sa subject na Math/Algebra. Kakayanin ko kaya ito? Mahina pa naman ako sa asignaturang 'yan. Batid mo ba yung pakiramdam na kahit mataman mong pinakikinggan ang tinatalakay ng iyong guro sa Sipnayan ay para bang hindi ito maarok ng iyong isipan dahil hindi talaga ito ang iyong kagalingan (ang lalim!)
Mathematics makes my head feel like it is going to explode and I'm just worried that my brain would splatter all over the floor (ang arte! char). Pero sana talaga makaya ko 'to.

Anyway, napaisip lang ako. Bukod sa akin, may mag-enrol kayang beki sa napili kong course? May magiging classmate kaya akong beki? Sana meron para naman may mag-support sa akin 'pag nag-out na ako this college. Pero sa tingin ko medyo maliit ang chance kasi sa pagkakaalam ko sa course na AB English karamihan na natitipon ang mga baklut. Pero I'm still hoping na magka-beki classmate pa rin ako para naman hindi lang ako ang nag-iisang maganda sa aming block. CHOS LANG!!

***

Note: Ie-edit ko ang post na ito next time. Baka kasi may makabasang kakilala ko, baka mabuko kung sino talaga ako. Sa mga magco-comment, pls wag niyo pong babanggitin sa comment box ang course ko. Parang awa niyo na oh.  Tenkyu!