Pulbos ni Beki

image from topclassactions.com

Sa panahon ngayon ay super liberated na ang sangkatauhan when it comes to paglalagay ng pulbos sa kanilang mga feslak, mapa-babae man o lalaki.

Napatunayan ko na 'yan nung ako ay nasa hayskul pa. ‘Yan ang ichi-chika ko sa inyo ngayong araw na ito.

Nung 3rd year ako ay uso sa amin ang panghihingi ng mga lalaki ng powder sa mga babae. Mga straight po sila huh, I’m very sure of that. Tuwing uwian ay karaniwang nang makikita ang mga nakabukas na palad ng mga otoks na itey na naghihintay na mabiyayaan ng pulbos. Mga walang pakundangan. Hingi lang ng hingi. Mga hindi naman nga marunong gumamit. Grabe makalagay ng pulbos, akala mo ay inubos ang isang kilo nito at nilagay lahat sa fez. Konti na lang at mapagkakamalan mo na silang mga geisha ng Japan.

Buti pa sila. Parang gusto ko ring magpulbos. Nakaramdam ako ng konting inggit ngunit di naman ako makahingi sa kanila dahil di ko naman sila ka-close.

Aha! Buti na lang at may naisip akong bright idea. Ninenok ko ang ekstrang pulbos sa aming bahay at dinala ko ‘to sa school nang sa ganun ay pwede na rin ako makapag-retouch kapag breaktime. Hehe.

Pagsapit ng tanghali, nagkaroon ako ng pagkakataon para makapagpaganda. Saktong ako lang ang nasa room noong mga oras na ‘yun. Kailangang walang makakita, pagkakaguluhan ang aking pulbos ‘pag nagkataon. At higit sa lahat, baka magtaka sila kung bakit ako nito meron.

Habang walang utaw ay sinimulan ko na ang paglalagay ng Johnson's baby powder sa aking feslaboom, with feelings huh. Sinamantala ko ang moment para sa aking transformation. Habang damang-dama ko ang pagdampi ng aking mga palad sa aking pisngi ay di ko namalayang meron palang dumating.

“Hala! Ba’t may pulbo ka? Bakla ka ba?”
(Jusme! Si crush pala! Nakita niya yung pulbos ko sa bag, nakalimutan kong isara. Waaaahhhh!)
“Hala bakla ka. Ayyy bakla. Bakla ka!”
(paulit-ulit? paulit-ulit?)
“Bakla ka pala ha. Bakla. Ayy bakla!”  (nyeta tumigil ka!)

Nagimbal ang lola niyo. Di ko alam ang aking sasabihin. Di ko alam ang aking ire-react. Namula ang aking fes tulad ng strawberries sa Forevermore. Na-tense si bakla. Nawalan ng saysay ang paglalagay ko ng pulbos dahil tuluyan na akong pinagpawisan.

Sobra akong kinabahan nun, baka kumalat ang chika. Fortunately, hindi nangyari ang ikinatatakot ko.

Pagtuntong ko sa 4th year ay hindi naman pala big deal ang pagkakaroon ng pulbos ng mga boys. Actually, mga girls na nga ang nanghihingi ng powder sa mga otoks. Oh davah, ganun na ka-liberated. Sadyang gusto lang ata akong i-discriminate ni crush noong 3rd year (FYI, wititit ko na siya crush ngayon. duh? lol)

Sa ngayon, hindi na ako nagpupulbos. Parang di kasi bagay sa skin tone ko. Para tuloy akong maputla tingnan, yung tulad ng hitsura ng balat kapag humawak sa bigas.

Ang gamit ko na ngayon ay foundation (ong toroy!). Mas bagay kasi ‘to sa skin tone ko dahil parang natural lang tingnan. Actually bigay lang naman sa'min ‘to ng aming mabait na kapitbahay. Buti na lang ipinamigay niya dahil kung hindi eh hindi sana ako makaka-experiece ng paggamit ng press powder na fawndeyshen. Sa totoo lang wala talagang balak si mudra na bumili ng foundation dahil Johnson’s baby powder lang talaga ang ginagamit niya, ganun din ang aking younger sister.

Since wala namang namamansin sa foundation eh ako na lang ang gumagamit nito, lol. Oo ako na, ako na ang sosyal, kabog ko na si mother at sister, hahaha. Feeling ko ako na talaga ang may-ari ng foundation since na ako lang naman ang nakikinabang nito. Infairness, di pa ito nangangalahati. Bibihira ko lang kasi ito gamitin dahil minsan lang ang aking lakad at di naman ako mahilig gumala.

Patago ako kapag ginagamit ko ‘to, haha. Pero feeling ko aware naman sila sa aking ginagawa. Hehe.

Ito namang kapitbahay namin mamimigay na nga lang ng foundation di pa sinamahan ng sponge or brush. Nahihirapan tuloy ako sa pag-aapply nito. Ayy teka lang. ‘Pag nabasa ‘to ng kapitbahay ko baka isipin niya ako na nga ang binigyan ako pa ang may ganang magreklamo. Ay em choori po, sige po ok lang po sa‘kin kahit wala ng sponge or brush. Pero pwede po bang mag-request? Pwede po bang makeup table na lang po ang ibigay niyo sa amin next time? Yung mesa na may malaking salamin na pinalilibutan ng mga bombilya, yung pang-artista ba. Salamat! Char!!