Buhay Kolehiyala

Hello there!

Grabe ha. Ang daming event sa school. Last week lang ay midterm exam namin kaya naman witchelz ako nakahanap ng time para makipagchikahan with you as I was busy siyempre na mag-review. Pero ngayon since free ako, susulitin ko itong moment para magbahagi sa inyo ng aking kwento. As promised, ichichika ko na sa inyo ang mga experiences ko ngayong college na akik. Medyo mahaba lang 'to. Sana basahin at tapusin niyo. Wag mag-skip reading ha. Enjoy!

 June 8, 2015
Monday

    Ito ang aking first day of school. 7:30 am ang aking first subject. Nagmamadali ako sa pagrampa papunta sa aking unibersidad dahil male-late na ako. Super kinakabahan ako that day, kasi siyempre new school, new environment, new experience, new classmates, new professors, at siyempre new chapter ito ng life ko. Besides, di naman lingid sa inyong kaalaman na natigil ako sa pag-aaral ng 2 years kaya naman bonggang adjustment ito for me.

Pagpasok ko sa room ay nakita kong andun na ang aking mga blockmates. Agad akong naghanap ng mauupuan at buti na lang meron akong natagpuan. Pagkaupo ko ay diretso paypay ang lola niyo dahil sa hingal sa paglalakad. Hello?! Hinanap ko pa kaya itong room. Buti na lang wala pa yung professor.

About 20 minutes after, saka dumating ang aming prof. Nagpakilala siya at mukhang mabait naman. After ng kanyang subject ay vacant/free time namin so what I did was umuwi na ako ng balur. Alangan namang mag-hintay ako dun hanggang sa sumapit ang second subject namin which is mamaya pang ala-una. Imagine 3 and a half hours kaya yun.

Pagsapit ng hapon, 2nd subject na. Bet ko ang classroom kasi naka-aircon. Actually laboratory ito wherein may mga computer sa loob for the students.
Maya-maya lamang, I started to feel uneasy kasi sabi ni prof isa-isa daw kaming magpapakilala. Instant kabado na naman ako. Alam niyo bang ako pa yung unang natawag. So ang ginawa ko ay nagpakilala ako with my name, kung saan nakatira, saang school grumadweyt, and other chuchu details. Di ko na sinabi kung ilang taon na ako. Baka kasi tawagin nila akong kuya. Ayoko nga. Mostly, 16 years old pa lang ang aking mga blockmates (turning 17 pa lang this year). While me, 19 na ako (nag-birthday ako nung June. Pwede niyo po akong batiin kahit belated na.)
Meron nga akong ibang kaklase na 15 yrs old pa lang. Oh davah ang babagets. I feel so old. Pero when it comes to face, parang di naman nagkakalayo ang aming mga edad. Di naman sa pagmamaganda pero parang hindi tumatanda ang aking hitsura, kaya naman hindi halata na ako'y diecinueve na. Yung iba nga parang mas matured-looking pa sa akin. Yung blockmate ko ngang lalaki, 15 lang daw siya, but he looks like a father already, seriously.
Thankful ako dahil hanggang ngayon ay wala pa rin akong balbas sa chin, samantalang yung mga blockmates ko meron na sila. Yung isa nga eh nakita kong may happy trail na. Na-shock ako dun ng very very light. lols :-0

Prom

Naaala mo pa ba ang Prom experience mo? Ano ba ang naging outfit mo? Bongga ba? Eh sino naman ang naging ka-partner mo sa dance floor?

‘Yan ang mga tanong na gusto kong sagutin ninyo. Huwag niyo na akong tanungin ng sa akin dahil wala akong experience.

Nung high school ako ay pinili ko na wag na lang um-attend sa aming prom. Eh kasi naman feeling ko mabo-bored lang ako dun lalo na't wala naman akong masyadong friend na ka-chikahan so malamang nganga lang ako the entire night.

Few days before mag-prom ay nalaman ng iba kong classmates na hindi ako sasali sa nasabing event. Pinilit nila akong mag-join dahil sayang naman daw ang aking experience at tsaka malaking part rin daw ito ng buhay ng isang high school student.

Happy New Year 2015!

image from happynewyearwishes2015.blogspot.com

“Happy New Year sa inyong lahats!”


“Chupi 2014 … (sabay tulak dito)

and Welcome 2015!” (sabay beso-beso.)

image from www.dazzlingwallpaper.com

Thank God dahil isa na namang taon ang ating nalagpasan. And I would also like to thank all of my readers na patuloy na sumusubaybay at nagtiyatiyagang basahin ang aking blog na wala namang katuturan. Sana’y may napulot din kayo dito kahit papano (meron ba? parang wala naman. Ahaha!)

2015 na at heto ang aking mga kahilingan this year para sa aking sarili, sa inyong lahat, at sa pangkalahatan: (siyempre naman! ano ‘to makasarili? lols)

•more blessings to come
•good health
•mas tumatag ang relationship with the family and friends
•mapagtagumpayan ang mga ninanais sa buhay
•maisakatuparan ang mga pangarap
•prosperity
•makaahon sa kahirapan
•lumago ang ekonomiya ng bansa
•kumonti ang mga mahihirap
•makulong at mapanagot ang mga dapat na makulong tulad ng mga kriminal, hunghang na pulitiko, atbp. (may poot? charms!)
•peace of mind
•tuluyang pagtanggap sa sangkabaklaan (ganern!)
•kapayapaan/World Peace
•and most importantly, gumanda ako, at pati na din kayo. (Pak!)

Kidding aside, looking forward ako this 2015. This year kasi ay magka-college na ako. Yey! Dalawang taon din kasi akong natengga sa pag-aaaral, so happy dahil this year ay tuloy na ito.

Balak ko na mag-out sa college. Mahirap din kasi ang mag-school na merong tinatago, lalo na sa college eh todo-bigay ka dapat.

Ico-conquer ko na rin ang aking pagiging mahiyain. Palalayasin ko na ang mahiyaing kaluluwa na sumapi sa katawang lupa ko. Makikipag-socialize na din ako sa mga future classmates ko. I want to make friends with them, cause I had never done it when I was in highschool. ‘Tulaley creature’ lang kasi ako sa entire hayskul layp. At tsaka, 19 na ako pagkatapos ng first-half ng taon. Baka masayang lang ang teenage life ko ‘pag nagkataon. Ayoko magkaganun.

Ako ay Sirena, Ibon, at Paru-paro

Ako'y isang sirena. Makulay ang aking buntot. Ako'y naninirahan sa pusod ng dagat. Takot pumunta sa pampang dahil baka hindi tanggapin ng mga taga-lupa. Pero hindi ko hahayaang mabulok na lang dito sa ilalim. Kailangan kong makakita ng sinag ng araw. Balang araw ay aahon din ako. Hindi na ako matatakot sa mga tao at ipapakita ko sa kanila ang natatangi kong kagandahan na matagal kong ikinubli sa kailaliman ng karagatan.

Tungkol sa Akin

•Name: Secret! (Itago niyo na lang ako sa pangalang AnonymousBeki)
•Age: 18
•Birthday: secret din (pero dito sa blogworld June 27 na lang, kasabay ng anniversary nito para isahan na lang devah)
•Im a highschool graduate and kasalukuyang nag-stop dahil sa financial problem. Pero next year ay sureness na ipagpapatuloy ko ang pag-aaral ko.

Bago ko ipagpatuloy ang chika about my life ay ikikwento ko muna sa inyo kung paano ako naging interested sa pagba-blog.